ആറ്റുനോറ്റാണ് പുതിയ ഒരു സെല് വാങ്ങിയത്. സോണിയുടെ സെല് വാങ്ങുന്നതിനു മുന്പ് ഒരു പതിനായിരം വട്ടം ആലോചിച്ചു. വേണോ, വേണ്ടയോ, വേണോ, വേണ്ടയോ?
കാശൊക്കെ കൂട്ടി വെച്ചിട്ട് എന്തിനാ, ഇപ്പഴല്ലേ ഇതൊക്കെ പറ്റൂ എന്ന ഫിലോസിഫിക്കല് ചിന്തയിലൂന്നി അവസാനം ഞാന് ആ കൊടുംപാതകം ചെയ്തു.
ബട്ട്, ആദ്യത്തെ അഞ്ചാറ് മാസം സെല് യാതൊരു പ്രശ്നവും ഉണ്ടാക്കിയില്ല. നല്ല അനുസരണയുള്ള കോണ്വെന്റ് കുട്ടികളെ :-) പോലെ ഞാന് പറയുന്നതെല്ലാം അനുസരിച്ചും, കുറെ ഫോട്ടോ എടുത്തും, പാട്ടൊക്കെ കേട്ടും ഞങ്ങള് അങ്ങനെ സ്വസ്ഥമായി ജീവിച്ചു പോകയായിരുന്നു. ഒരു അഞ്ചു മാസം കഴിഞ്ഞപ്പോ അവനും ഒരു അസ്കിത. 2 GB മെമ്മറി ഉണ്ടായിട്ടും, അതില് മുക്കാലും ചുമ്മാ കിടക്കയാണെന്ന് അറിഞ്ഞിട്ടും, മെമ്മറി പോര പോര എന്ന് പറഞ്ഞു എന്റെ സമാധാനം കിടത്താന് തുടങ്ങി. ഇടക്ക് ചോദിക്കാതേം പറയാതെയും സ്വിച്ച് ഓഫ് ആകുന്നു. ഒരു ദിവസം ചാര്ജ് ചെയ്തോണ്ടിരിക്കുമ്പോള് പെട്ടന്ന് സ്വിച്ച് ഓഫ് ആയി പോയി. വേഗം ഒരു കാക്കകുളി കുളിച്ച് സെല്ലുമെടുത്തു Mobile Storesil പോയി. അവര് പറഞ്ഞു, സോണിടെ സര്വ്വീസ് സെന്റ്ററില് കൊണ്ടു കൊടുക്കാന്.
നട്ടുച്ചക്ക് ജെമിനിയില് നിന്നു ടി നഗര് എത്തിയപ്പോഴേക്കും ഞാന് ഒരു പരുവമായി. സര്വ്വീസ് സെന്റ്ററില് എത്തിയപ്പോള് ഒരു കാര്യം മനസിലായി. ശനിയാഴ്ചകളില് ചെന്നൈയില് ഉള്ളവര് എവിടാ പോകുന്നെ എന്ന്. എല്ലാരും കൂടി ഓട്ടോവും, കാറും പിടിച്ചു sony ericsson ന്റെ authorised service centre ലാണ് വരുന്നത്.
എന്താ തിരക്ക്. സാക്ഷാല് പരക്കാട്ട് ഭഗവതി ക്ഷേത്രത്തില് പൂരം ദിവസം പോലും ഞാന് ഇത്രേം തിരക്ക് കണ്ടിട്ടില്ല. കുമ്പസാരക്കൂടിന്റെ അത്രേം മാത്രം വലിപ്പമുള്ള ആ കൊച്ചു മുറിയില് കേറി ഏകദേശം പത്തു മിനിട്ട് കഴിഞ്ഞപ്പോള് എനിക്ക് ശ്വാസം കിട്ടി. ഇത്രേം പേര്ക്ക് ഓക്സിജന് വേണ്ടതല്ലേ, കുറച്ചു സമയം എടുക്കും.
പിന്നെ, ഞാന് 'ഇപ്പൊ എന്റെ നമ്പറും വരും, വരും,' എന്നും പറഞ്ഞു ഒരു 2-3 മണികൂര് ഇരുന്നു. അവസാനം, എന്റെ നമ്പര് വന്നു. സെല് വാങ്ങി അവര് പിടിച്ചും, മണത്തും രുചിച്ചും നോക്കി. ചാര്ജ് ചെയ്തു നോക്കി. കിം രക്ഷ. ചത്തവന് ചത്തവന് തന്നെ. മദര് ബോര്ഡ് കമ്പ്ലൈന്റ് ആണ്, 10-15 ദിവസം കഴിഞ്ഞു തരം എന്ന് എന്തോ ഔദാര്യം ചെയ്യും പോലെ പറഞ്ഞു.
എന്റെ റ്റെമ്പര് അവിടന്ന് തന്നെ തെറ്റി. പിന്നെ, ആ ആള്ക്കൂട്ടത്തിന്റെ നടുക്ക് കേറി ഞാന് എത്ര ഉറക്കെ ചീത്ത പറഞ്ഞാലും ഒന്നും കേള്ക്കില്ല.
എന്തായാലും, മറ്റൊരു വഴക്ക് കൂടല് യജ്ഞതിന്നു കേളികൊട്ടി. വെറും 5 മാസം മുന്പ് വാങ്ങിയ സെല്ലിന് മദര് ബോര്ഡ് കമ്പ്ലൈന്റ് എന്ന് പറഞ്ഞാല് അത് വെള്ളം തൊടാതെ വിഴുങ്ങാന് എന്റെ തലയില് എന്താ കളിമണ്ണാണോ? എന്തായാലും, ഗ്യരന്ടീ ടൈം കഴിഞ്ഞിട്ടില്ലാത്ത കൊണ്ടു ഫ്രീയായി ശരിയാക്കി തരം എന്നും, മദര് ബോര്ഡ് കമ്പ്ലൈന്റ് ആണ്ണെന്നു ഉറപ്പായാല് സെല് മാറ്റി തരാം എന്നൊക്കെ അവര് പറഞ്ഞു.
ഇത് സത്യം, പിന്നെ നടന്നതെല്ലാം, സോണി എറിക്സണ് കമ്പനിക്കാരെ വെടി വെച്ചു കൊല്ലാന് തോന്നുന്ന കാര്യങ്ങള്. എല്ലാ ദിവസവും ഞാന് അവരെ വിളിക്കും, സ്ഥിരം മറുപടി "10-15 days എടുക്കും മാഡം" ഒരു ഗതിയും പരഗതിയും ഇല്ലാതെ വലയുന്ന ഞാന് പിന്നെ വിളി നിര്ത്തി, സമയം കിട്ടുന്നതിനനുസരിച്ച് അവരുടെ സര്വീസ് സെന്റെറില് പോകാന് തുടങ്ങി. ഞാന് എന്തോ ഇരക്കാന് ചെന്ന പോലാണ് അവരുടെ ഭാവം, പിന്നെ ഒരു നിവൃത്തിയുമില്ലാതെ, ഞാന് പോകുന്ന എല്ലാ ദിവസവും, അവിടെ ചെന്നിരുന്നു എന്ന കാര്യം ആ കോമ്പ്ലെക്സില് ഉള്ള എല്ലാ കടക്കരെയും അറിയിച്ചു പോന്നു. എന്നെ അവിടുന്ന് എടുത്തു പുറത്തു കളയാന് അവര് പോലീസ് സഹായം തേടിയേക്കും എന്ന ലെവലില് എത്തി കാര്യങ്ങള്.
ചുമ്മാതൊന്നുമല്ല പ്രശ്നമുന്ടാക്കിയേ, കാശ് പോയവനേ അതിന്റെ ദെണ്ണം അറിയൂ, അല്ലേല് മര്യദലെവെലില് ഇടപെടുകയെന്കിലും വേണം.
സോണിടെ വെബ്സൈറ്റിലും കേറി കംപ്ലന്റ്റ് കൊടുത്തു. അവരും പറയാണ്, 10-15 ദിവസം എടുക്കും എന്ന്. ഇതെന്താ വെള്ളരിക്കപട്ടണമോ?
സെല് എടുത്തു വെള്ളത്തില് ഇടുകയോ, നാലഞ്ച് വട്ടം തഴോട്ട് ഇടുകയോ ഒക്കെ ചെയ്തട്ടുന്ടേല് ഇവര് പറയുന്ന പോക്രിത്തരം മുഴുവന് 'ഏശ്മ, ഏശ്മ' എന്നും പറഞ്ഞു ഞാന് കേട്ടേന്നേ. തലയില് വെച്ചാല് പേനരിക്കും, താഴത്ത് വെച്ചാല് ആരേലും ചവുട്ടിക്കൂട്ടും എന്ന് പറഞ്ഞു കൊണ്ടു നടന്ന സാധനമാ കമ്പനിക്കാരുടെ പിടിപ്പ്കേട് കൊണ്ടു കേടുവന്നു കിടക്കുന്നെ. കമ്പനിക്കാരുടെ ടോള് ഫ്രീ നംപറിലോട്ടും വിളിച്ചു, അത് വെറും പ്രഹസനം, അല്ലേല് അതിലും പരം.
അവിടെ കാള് എടുക്കുന്ന കുരങ്ങന്മാര്ര്ക്ക് ഒരു ചുക്കും ചുണ്ണാപും അറിയില്ല. സെല് എന്ന് പറഞ്ഞാല് എന്താണ് എന്ന് അറിയുമോ എന്ന് പോലും സംശയിക്കണം, പിന്നാ മദര് ബോര്ഡ്, എന്റെ അമ്മക്ക് അസുഖം ആയിട്ട് വിളിക്കുവന്നു വിചാരിക്കും.
പിന്നെ ഏക രക്ഷ, ഈ സര്വീസ് സെന്റര്കാരെ വിളിച്ചു ചീത്ത പറയുക എന്നത് മാത്രമാണ്. അപ്പൊ അവര് പറയുന്നു, മദര് ബോര്ഡ് സ്റ്റോക്ക് ഇല്ലെന്ന്, സ്റ്റോക്ക് ഇല്ലേല് ഞാന് എന്ത് പിഴച്ചു? ദിവസവും സെല് ഉണ്ടാക്കുന്ന കമ്പനിയില് മദര് ബോര്ഡ് സ്റ്റോക്ക് ഇല്ലെന്നു പറഞ്ഞു കൈയൊഴിയുന്നതു നമ്മളെ ആക്കുന്ന പോലെ അല്ലെ?
ഇവരെ ചീത്ത പറയുന്നതിനൊപ്പം വേറെ വഴിക്ക് ഇമെയില് അയക്കലും നടക്കുണ്ടായിരുന്നു. അരിയെത്ര എന്ന് ചോദിക്കുമ്പോ പയറഞാഴി എന്ന് പറയുന്ന പോലെയാണ് അവരുടെ ഉത്തരങ്ങള്. മദര് ബോര്ഡ് എപ്പോ സ്റ്റോക്ക് ഉണ്ടാവും എന്ന് ചോദിച്ചാല്, നിങ്ങളുടെ ദുഃഖത്തില് ഞങ്ങള് പന്കുചെരുന്നു എന്ന് പറയും.
എന്നിട്ടും എന്റെ ക്ഷിപ്രകോപം (ചുമ്മാ ജാടയ്ക്കു) ഒരു മാസം മാറ്റിവെച്ചു അവര്ക്ക് മെയില് അയച്ചു. ഒന്നുകില് സെല് മാറ്റി തരുക, അല്ലേല് കാശു തരുക, ഈ രണ്ടുമല്ലാതെ എന്റെ സെല് പൊളിച്ചു മാറ്റി വേറെ മദര് ബോര്ഡ് വെച്ചു തന്നാല് അതും കൊണ്ടു കണ്സ്യൂമര് കോര്ട്ടില് പോകും എന്നെല്ലാം വെല്ലു വിളിച്ചിട്ടും നോ രക്ഷ.
നമ്മള് അന്യായ ചീത്ത പറഞ്ഞയക്കുന്ന മെയിലിന്റെ റിപ്ല്യ് വായിച്ചാല് അവാര്ഡ് സിനിമ ഉണ്ടാക്കുന്നവരാണോ സോണിടെ ഓഫീസില് ഇരിക്കുന്നെ എന്ന് തോന്നും.
ഒരു സാമ്പിള്. Sony Ericsson is a customer driven organization, committed to delight the customers. We make a conscious effort to meet our consumer’s expectations. I would like to assure you that our endeavor is to provide you quality service and your feedback will help us in improving our service further.
എല്ലാത്തിനും ഒരു അവസാനം വേണമല്ലോ. ഒരു മാസത്തെ ചീത്ത വിളിക്കും, കണ്സ്യൂമര് കോര്ട്ട്, പ്രസ്, പത്രം, നാറ്റിക്കും തുടങ്ങിയ സ്റ്റാന്ഡേര്ഡ്, തറ ചീത്തപറച്ചിലുകള്ക്കും ശേഷം ആ ദുഷ്ടപിശാച്ചുക്കള് സെല് തിരിച്ചു തന്നു, പുതിയത് ഒന്നും അല്ല, പഴയത് തന്നെ.
ഇതിനിടെ, പുതിയത് തന്നില്ലേല്, കോടതിയെ ഇവിടെ കൊണ്ടു വരും തുടങ്ങിയ വാചകകസര്ത്ത് കേട്ടിട്ടാണോ അതോ എന്റെ ശല്യം സഹിക്കാതെ, 'എവിടെയേലും പോയി തുലയട്ടെ' എന്ന് വിചാരിച്ചട്ടാണോ എന്നറിയില്ല, പുതിയ സെല് തരാം എന്നൊരു വാഗ്ദാനം ആ സെന്റ്ററിന്റ്റെ മാനേജര് സര് ഒരു വന്നിയ്യപ്പനില് നിന്നു അങ്ങേരുടെ ഓഫീസില് പോയി ഇരുന്നു അങ്ങേരെ രണ്ടു മണിക്കൂര് ഖെരാവോ ചെയ്തു വാങ്ങിയിരുന്നു. (ഈ വന്നിയപ്പന് മാഷുടെ നമ്പര് ഒന്നു കിട്ടാന് വേണ്ടി ഞാന് അവിടെ വേസ്റ്റ് ചെയ്തത് ഈ ജന്മം മുഴുവന് പറയാന് എടുത്ത വച്ച ചീത്തയാണ്)
നേരേയാക്കി എന്ന് പറഞ്ഞ കുന്തവും എന്റെ കൈയില് കിട്ടി രണ്ടു ദിവസം കഴിഞ്ഞപ്പോ അന്ചിന്റ്റേ പൈസേടെ ഉപകാരമില്ലാത്ത സാധനമായി മാറി.
വണ്ടി വീണ്ടും ടി നഗറില്. ആള്ക്കൂട്ടം പതിവു പോലെ തന്നെ ഉണ്ട്, ഇനി എന്തായാലും ആള്ക്കൂട്ടത്തില് കാത്തു നിക്കില്ല എന്നുറപ്പിച്ചു, നേരെ വന്നിയപ്പനെ വിളിച്ചു. ഞാന് ഇവിടെ ഉണ്ടെന്നും, ഇത്രേം മാനുഷന്മാര് ഉള്ളത് കൊണ്ടു ഒന്നു തിരുനട തുറന്നു തന്നാല് അകത്തോട്ടു കേറി വരം എന്നും ഒക്കെ പറഞ്ഞു കഴിഞ്ഞപ്പോള് അങ്ങേര് വന്നു, സെല് വാങ്ങി, പുതിയത് വേഗം തരാന് ഏര്പ്പാടാക്കാം എന്നെല്ലാം പറഞ്ഞു. പക്ഷെ, ഇപ്പൊ ഈ സെല് ഞാന് അവിടെ കൊടുത്തു എന്ന കാര്യത്തിന്നു ജോബ് ഷീറ്റ് തരാന് അങ്ങേര്ക്കു വയ്യ. വീണ്ടും ഭീഷണി, കോടതി, ഡാഷ്, ഡാഷ്.
പുതിയ സെല് കിട്ടിയാല് പിന്നെ ഈ പഴയ സാധനത്തിന്റ്റെ ജോബ് ഷീറ്റ് കെട്ടിപിടിച്ചിരുന്നിട്ട് എന്ത് ചെയ്യാനാണ് എന്നാണ് ചേട്ടന്റെ ചോദ്യം. ആ സെല്ലും ഇതേ പോലെ അടിച്ച് പോയാല് ഇനി സര്വീസ് സെന്റെറില് വന്നു കളയാന് എനിക്ക് സമയം ആരും ഫ്രീ ആയി തന്നിട്ടൊന്നുമില്ലെന്നും, സോണിടെ സകല സാധനവും വെറും പറ്റീരാണെന്നും കണ്സ്യൂമര് കോര്ട്ടില് തെളിയിക്കാന് എനിക്ക് ജോബ് ഷീറ്റ് കിട്ടിയേ പറ്റൂ എന്ന് ഞാന്.
അറ്റ് ലാസ്റ്റ്, അങ്ങേര് തോറ്റു, വളരെ നിസഹായമായ ശബ്ദത്തില് അവിടെ നിക്കുന്ന മെക്കാനിക് പെന്കൊടിയോടു 'ഈ കൊച്ചു പറയുന്ന കാര്യമെല്ലാം ജോബ് ഷീറ്റില് എഴുതി കൊടുക്ക്' എന്ന് പറഞ്ഞു അങ്ങേര് അങ്ങേരുടെ മണിയറയിലോട്ട് പോയി.
ജോബ് ഷീറ്റ് എടുത്ത പെന്കൊച്ചു എന്തോ മുന് വൈരാഗ്യം ഉള്ള പോലെ എന്നെ നോക്കി പേടിപ്പിച്ചു, പിന്നെ ഞാന് പറഞ്ഞു കൊടുത്ത പരാതികള് മുഴുവന് എഴുതി. എല്ലാം കഴിഞ്ഞു മൂരി നിവര്ത്തിയ അതിനോട് ഞാന് പറഞ്ഞു, 'ഇവിടെ റിപ്പയര് ചെയ്ത ശേഷമാ ഇത്രേം പ്രശ്നം വന്നത് എന്ന് കൂടി ഇതേല് എഴുതണം' . നോക്കാവുന്നതിന്റ്റെ മാക്സിമം വെറുപ്പോടെ എന്നെ നോക്കി ആ ചേച്ചി അതും കൂടി എഴുതി തന്നു.
എന്തായാലും രണ്ടു-മൂന്ന് ദിവസം കഴിഞ്ഞപ്പോള് വന്നിയപ്പന് എനിക്ക് പുതിയ സെല് തന്നു. ഗ്യാരന്ടീ കൂടി പുതുക്കി തരണം, പുതിയ സെല്ലിന് പഴയ ഗ്യരന്ടീ എങ്ങനെ ശരിയാവും എന്നൊക്കെ ചോദിച്ചിട്ടും ആ പണ്ടാരം തന്നില്ല. ഉള്ളതും വാങ്ങിച്ചോണ്ട് ഞാന് തിരിച്ചു വന്നു.
പിന്നെയാ മനസിലായെ, സെല്ലിന് മാത്രമല്ല, ചാര്ജറിനും പ്രോബ്സ് ഉണ്ട്. ചാര്ജറിന്റെ വില 500 രൂപ. വേറെ ചാര്ജര് വാങ്ങണോ അതോ വീണ്ടും വന്നിയപ്പ്നെ കാണണോ എന്നൊക്കെ കണ്ഫ്യൂഷന് ആയി കുറെ നാള് ഓഫീസിലെ പെണ്കൊടിയുടെ ചര്ജരില് ചാര്ജ് ചെയ്തു. ടി- നഗര് വരെ പോകാനുള്ള വിഷമം കൊണ്ടു അറ്റ് ലാസ്റ്റ് ഞാന് 500 മണീസ് മുടക്കി ചാര്ജര് വാങ്ങി.
വാല്കഷ്ണം: സെല് വാങ്ങുമ്പൊല് കൂടെ കിട്ടുന്ന സ്ഥാവരജംഗമ വസ്തുക്കള്ക്ക് 6 മാസമേ ഗ്യരന്ടീ ഉള്ളത്രെ. അപ്പൊ ഞാന് പോയി വന്നിയപ്പന്റെ അപ്പന് വിളിച്ചിരുന്നെലും പ്രതേകിച്ച് ഗുണമൊന്നും ഉണ്ടാകാന് വഴി ഉണ്ടായിരുന്നില്ല.